KURANTA YA MMUŠO
Kuranta ya Mmušo ya Molawana No. 6290
No. 19231
TSEBIŠO YA MMUŠO
BOLAODI BJA MANGWALO A THUTO BJA AFRIKA BORWA
Bolaodi bja Mangwalo a Thuto bja Afrika Borwa
No. 1127
Setemere 1998
MELAWANA KA TLASE GA MOLAO WA BOLAODI BJA MANGWALO A THUTO BJA AFRIKABORWA, 1995
MOLAO NO. 58 WA 1995
Bolaodi bja Mangwalo a Thuto bja Afrika Borwa bo, ka tlase ga seripa sa 14 sa Molao wa Bolaodi bja Mangwalo a Thuto bja AfrikaBorwa, 1995 (Molao No. 58 wa 1995), ka tumelelo ya Letona la Thuto le kgokagano le Letona la tšaMešomo, dirile melawana mo Lenaneong.
LENANEO
TEMANA YA 1: DITLHALOŠO KA KAKARETŠO
Ditlhalošo
TEMANA YA 2: MAKGOTLA A NETEFATŠO YA BOLENG BJA THUTO LE TLHAHLO
Tumelelo
Dinyakwa tša tumelelo ya Makgotla a Netefatšo ya Boleng bja Thuto le Tlhahlo
Lengwalo la bohlatse la tumelelo
Kgogelo morago ya tumelelo
Boleloko bja Makgotla a Netefatšo ya Boleng bja Thuto le Tlhahlo
Tebogo ya mošomo ya maloko a Makgotla a Netefatšo ya Boleng bja Thuto le Tlhahlo
Mešomo ya Makgotla a Netefatšo ya Boleng bja Thuto le Tlhahlo
TEMANA YA 3: MELAO YA TSHEPETŠO LE TEFELO YA MEDIRO YA MAKGOTLA A NETEFATŠO YA BOLENG BJA THUTO LE TLHAHLO
Tefelo ya mediro ya Makgotla a Netefatšo ya Boleng bja Thuto le Tlhahlo
Melao ya tshepetšo
TEMANA YA 4: BAABI BA THUTO LE TLHAHLO
Tumelelo ya baabi
Dinyakwa tša tumelelo ya baabi
Lengwalo la bohlatse la tumelelo ya baabi telefatšo ya tumelelo ya baabi tumelelo ya lebakanyana ya baabi
Kgogelo morago ya tumelelo ya baabi
TEMANA YA 5: MAKGOTLA A TAOLO
Thwalo ya makgotla a taolo
Mangwalo a thwalo bjalo ka makgotla taolo
Mešomo ya makgotla a taolo
Phedišo ya thwalo ya makgotla a taolo
TEMANA YA 6: MAKGOTLA A SEPOROFEŠENE LE TLHAHLOBO
Kakaretšo ya kagotla a seporofešene le tlhahlobo ge go bewa maemo, netefatso ya boleng le taolo
TEMANA YA 7: DITLHALOŠO TŠA TŠOHLE
Tsheptšo ya kgopelo ya tshekoleswa
Leina le le kopana
KGOKELETŠO
Melawana ya tshepetšo ya Makgotla a Netefatšo ya Boleng bja Thuto le Tlhahlo
TEMANA YA 1
DITLHALOŠO KA KAKARETŠO
Ditlhalošo
Mo melaong ye lentšu le lengwe le lengwe goba seka tšeo di filwego tlhalošo mo molaong, di tla tlhaloša seo le, ntle le ge tlhalošo e bontšha ka mokgwa wo mongwe -
tumelelo" e ra tumelelo, ga ntši ya lebaka le itšeng , ya motho, lekgotla goba setlhangwa tšeo di nago le bokgoni bja go dira mošomo wo o itšeng mo lenaneong la go netefatša boleng leo le hlamilwego ke Bolaodi bja Mangwalo a Thuto bja Afrika Borwa go ya ka Molao;
Molao" o ra Molao wa Bolaodi bja Mangwalo a Thuto bja Afrika Borwa, 1995 (Molao No. 58 wa 1995)
molekodi" e ra motho yo a ngwadišitšwego ke Lekgotla la Netefatšo ya Boleng bja Thuto le Tlhahlo go ya ka dinyakwa tša lebaka leo tšeo di beilwego ke Lekgotla la Tlhamo ya Maemo go lekola diphihlelelo tša maemo goba mangwalo a thuto a Legora la Mangwalo a Thuto la Bosetšhaba, le "molekodi wa lefelo la kgetho" e na le tlhalošo yeo e sepelelanago;
ngwadišo godimo ga mabaka a itšeng" e ra go ngwadišwa ga sehlangwa sa thuto ya ka godimo sa poraebete bjalo ka ge go hlalošitšwe ka go Molao wa Thuto ya ka Godimo, 1997 (No.101 wa 1997);
lefelo la kgetho" e ra go ba leloko la lefelo la kgetho la mokgatlo leo le kgethilwego goba le filwego mošomo goba lekgotla leo le lebišitšwego mo melawaneng ye;
Lekgotla la Netefatšo ya Boleng bja Thuto le Tlhahlo" e ra lekgotla leo le dumeletšwego go ya ka seripa sa 5 (a)(ii) sa Molao, leo le nago le maikarabelo a go hlapetša le go lekola diphihlelelo go ya ka maemo a bosetšhaba goba mangwalo a thuto, le mošomo wo le o filwego mabapi le go hlapetša le go lekola diphihlelelo go ya ka maemo a bosetšhaba goba mangwalo a thuto go ya ka seripa sa 5 (a)(ii) sa Molao;
lefapha" e ra lefapha leo le itšeng la thuto leo le šomišwago bjalo ka mokgwa wa go beakanya Legora la Mangwalo a Thuto la Bosetšhaba;
Tekolo" e ra mokgwa wa go netefatša gore tshekaseko ya dipoelo tšeo di hlalošitšwego go maemo goba mangwalong a thuto a Legora la Mangwalo a Thuto la Bosetšhaba di a kgotsofatša, di a amogelega e bile di a tshepagala;
lekgotla la tekolo" e ra lekgotla leo le kgethetšwego go lekola ke Bolaodi;
Lekgotla la Maemo la Bosetšhaba" e ra lekgotla leo le ngwadišitšwego go ya ka seripa sa 5 (a)(ii) sa Molao, leo le nago le maikarabelo a go hlama maemo goba mangwalo a thuto le tlhahlo, le mošomo wo le o filwego mabapi le go ngwadišwa ga maemo a bosetšhaba goba mangwalo a thuto go ya ka seripa sa 5 (b)(i) sa Molao;
dipoelo" e ra ditšweletšwa tša mafelelo tša tsela ya thuto yeo e tseneletšego yeo e diragatšwago;
malebiša a magolo" e ra mediro goba malebiša ka gare ga lefapha tšeo mokgatlo goba lekgotla di tšhollelago matla a tšona go tšona;
lekgotla la seporofešene" e ra lekgotla la semmušo leo le ngwadišitšwego bjalo go ya ka molaohlangwa wa mabapi le makgotla a bjalo, goba lekgotla la boithaopo leo le dirago mešomo yeo e hlalošitšwego go molaohlangwa wa makgotla ao efela le se la ngwadišwa bjalo;
moabi" e ra lekgotla leo le abago diporokerama tša thuto tšeo di bopago maemo goba mangwalong a thuto a Legora la Mangwalo a Thuto la Bosetšhaba, go di laola le go di sekaseka;
netefatšo ya boleng" e ra tsela ya go netefatša gore maemo a bokgoni ao a beilwego a a fihlelelwa;
tekolo ya boleng" e ra tsela ya go lekola ditšhupo tšeo di bontšhago gore maemo a bokgoni ao a beilwego a a fihlelelwa;
lenaneo la taolo ya boleng" e ra ditsela tšeo di kopoantšwego tšeo di šomišwago go netefatša gore maemo a bokgoni ao a beilwego a a fihlelelwa;
maemo ao ngwadišitšwego" e ra maemo goba mangwalo a thuto ao a ngwadišitšwego go Legora la Mangwalo a Thuto la Bosetšhaba;
lefapha" e ra sekgao seo se arotšwego sa leago, kgwebo goba mediro ya thuto yeo e dirišwago go hlaloša mellwane ya Lekgotla la Netefatšo ya Boleng bja Thuto le Tlhahlo;
Lekgotla la Tlhamo ya Maemo" e ra lekgotla leo le ngwadišitšwego go ya ka seripa sa 5 (a)(ii) sa Molao, leo le nago le maikarabelo a go hlama maemo goba mangwalo a thuto le tlhahlo, le mošomo wo le o filwego mabapi le go ngwadišwa ga maemo a bosetšhaba goba mangwalo a thuto go ya ka seripa sa 5 (b)(i) sa Molao;
TEMANA YA 2
MAKGOTLA A NETEFATŠO YA BOLENG BJA THUTO LE TLHAHLO
Tumelelo
Makgotla a Netefatšo ya Boleng bja Thuto le Tlhahlo a tla fiwa tumelelo go lefapha le lengwe le le lengwe ke Bolaodi go hlapetša le go lekola diphihlelelo go ya ka maemo a bosetšhaba goba mangwalo a thuto, le mošomo wo le o filwego mabapi le go hlapetša le go lekola diphihlelelo go ya ka maemo a bosetšhaba goba mangwalo a thuto go ya ka seripa sa 51aii sa Molao.
Mo lefapheng leo e lego gore ga go Lekgotla la Netefatšo ya Boleng bja Thuto le Tlhahlo leo le dumeletšwego goba mo e lego gore Lekgotla la Netefatšo ya Boleng bja Thuto le Tlhahlo le palelwa ke go diragatša maikarabelo a lona, le mo e lego gore Bolaodi bo tla bona go hlokagala, Bolaodi bo tla tšea Mošomo le maikarabelo tšeo mehleng di fiwago Lekgotla leo la Netefatšo ya Boleng bja Thuto le Tlhahlo.
Mokgatlo goba sehlopha sa mekgatlo tšeo di nyakago tumelelo bjalo ka Lekgotla la Netefatšo ya Boleng bja Thuto le Tlhahlo di tla hlangwa go le lengwe la mafapha ao a latelago:
Lefapha la leago; goba
Lefapha la ekonomi; goba
Lefapha la sekgao sa lenaneo la thuto le tlhahlo.
Dinyakwa tša tumelelo ya Makgotla a Netefatšo ya Boleng bja Thuto le Tlhahlo
Mokgatlo goba sehlopha sa mekgatlo tšeo di emelago lefapha leo le akanywago ka go molawana 23, leo le kgotsofatšago dinyakwa tša tumelelo bjalo ka Lekgotla la Netefatšo ya Boleng bja Thuto le Tlhahlo leo le bontšhwago ka go molawana wa 2, o ka kgopela go Bolaodi go dumelelwa bjalo ka Lekgotla la Netefatšo ya Boleng bja Thuto le Tlhahlo.
Mokgatlo wo mo bjalo o tla bontšha gore -
go na le tlhokego ya Lekgotla la Netefatšo ya Boleng bja Thuto le Tlhahlo go ka hlangwa lefapheng leo o nyakago go šoma go lona;
o na le malebiša le šedi ya go ditiro tša yona tša go netefatša boleng tšeo di itshetlegilego godimo ga tšhomišano le maikemišetšo a lefapha leo le kgethilwego;
ga wa boeletša mešomo goba diripa tša mešomo tša Lekgotla la Netefatšo ya Boleng bja Thuto le Tlhahlo leo le šetšego le le gona, ntle le ge Bolaodi bo bona gore poeletšo yeo e a hlokagala;
o na le bokgoni bja go ka diragatša mešomo yeo e o filwego ke Bolaodi;
o na le methopo yeo e lekanego go kgona go šoma lebaka leo e le dumeletšwego;
o na le lenaneo le hlwahlwa la bolaodi leo le tsenyeletšago mme le sa beelwa mapheko a -
molaotshepetšo wa bolaodi bjo hlwahlwa wo o hlalošago boleng bjo Lekgotla la Netefatšo ya Boleng bja Thuto le Tlhahlo e kganyogago go bo fihlelela;
tshepetšo ye hlwahlwa ya bolaodi yeo e kgontšhago Lekgotla la Netefatšo ya Boleng bja Thuto le Tlhahlo go diragatša melaotshepetšo ya yona ya bolaodi bja boleng yeo le e beilego; le go etela gape mekgwa yeo e netefatšago gore melaotshepetšo ya bolaodi bja boleng le tshepetšo tšo di hlalošitšwego di a dirišwa mme di dula di le mohola.
mošomo wa netefatšo ya boleng wa ka ntle o ka thokwana mme o ikemela ka noši go tšwa go mešomo ya kabelo ya thuto le tlhahlo;
Mabapi le mošomo wa netefatšo ya boleng, e na le boemedi bja batšeakarolo maemong a go tšea diphetho, boemedi bjo bo tlago netefatša gore go ba le maikarabelo go setšhaba le tšhomo ya pepeneneng; le mediro ya lona e tla godiša maikemišetšo a Legora la Mangwalo a Thuto la Bosetšhaba.
Mokgatlo wo o nyakago tumelelo bjalo ka Lekgotla la Netefatšo ya Boleng bja Thuto le Tlhahlo o tla dumela ka go ngwala -
tokelo ya Bolaodi go tlhahloba ka nako ye nngwe le ye nngwe mediro ya Lekgotla la Netefatšo ya Boleng bja Thuto le Tlhahlo le go lebelela melaotshepetšo ya bolaodi bja boleng ka leswa;
tokelo ya Bolaodi go fahloša go tšeo di lego mabapi le mediro ya Lekgotla la Netefatšo ya Boleng bja Thuto le Tlhahlo; le tokelo ya maloko a Lekgotla la Netefatšo ya Boleng bja Thuto le Tlhahlo go itebanya la Bolaodi thwii mererong yeo e amago mohola wa Lekgotla la Netefatšo ya Boleng bja Thuto le Tlhahlo, ge e le gore magato ao a kwešišagalago go rarolla ditaba tšeo a tšerwe maemong a Lekgotla la Netefatšo ya Boleng bja Thuto le Tlhahlo.
Lengwalo la tumelelo
Lekgotla la Netefatšo ya Boleng bja Thuto le Tlhahlo le lengwe le le lengwe, le tla fiwa lengwalo la bohlatse la tumelelo ke Bolaodi.
Lengwalo la bohlatse la tumelelo le tla bontšha maemo a itšeng goba mangwalo a thuto ao go wona go filwego tumelelo: Ge e le gore maemo ao le mangwalo a thuto di tla ba ka gare ga legora la malebiša a magolo a Lekgotla la Netefatšo ya Boleng bja Thuto le Tlhahlo ntle le ge tumelelo e telefaditšwe go ya ka molao wa 5.
Lekgotla la Netefatšo ya Boleng bja Thuto le Tlhahlo le lengwe le le lengwe leo le filwego tumelelo, le tla re, kgweding ya mathomo ya ngwaga wa boraro wa go fiwa tumemlelo, le morago ga ngwaga wo mongwe le wo mongwe wa boraro, la fana ka pego go Bolaodi yeo e hlalošago gore ke ka mabaka a fe ao le swanetšego go tšwela pele ka go šomiša tumelelo, mme le tla bontšha dipoelo tšeo Lekgotla la Netefatšo ya Boleng bja Thuto le Tlhahlo le di fihleletšego lebakeng la mengwaga ye mebedi yeo e fetilego.
Lekgotla la Netefatšo ya Boleng bja Thuto le Tlhahlo leo le nyakago telefatšo go akaretša maemo goba mangwalo a thuto, tšeo di sa tšewago ke Bolaodi go ba ka gare ga malebiša a magolo, le tla dira kgopelo yeo go Bolaodi, le bontšha bokgoni bja lona go ka fihlelela dinyakwa tša tumelelo ye bjalo go ya ka molawana wa 31 le 2.
Ge telefatšo e dumelelwa, lengwalo la bohlatse le tla telefatšwa go hlaloša seo.
Go gogela tumelelo morago
Tumelelo ya Lekgotla la Netefatšo ya Boleng bja Thuto le Tlhahlo e ka gogelwa morago, ge e le gore go ya ka kakanyo ya Bolaodi, le palelwa ke go diragatša mešomo ya lona ka tshwanelo.
Boleloko bja Lekgotla la Netefatšo ya Boleng bja Thuto le Tlhahlo
Maloko a Lekgotla la Netefatšo ya Boleng bja Thuto le Tlhahlo e tla ba maloko a mokgatlo goba sehlopha sa mekgatlo yeo e dumeletšwego bjalo ka Lekgotla la Netefatšo ya Boleng bja Thuto le Tlhahlo, bao ba kgethilwego lekgotleng leo ke mokgatlo woo goba sehlopha seo sa mekgatlo tšeo di fihlelelago dinyakwa tša molawana wa 3 .
Go tlogela modiro ga maloko a Lekgotla la Netefatšo ya Boleng bja Thuto le Tlhahlo
Modulasetulo goba leloko le lengwe le le lengwe la Lekgotla la Netefatšo ya Boleng bja Thuto le Tlhahlo bao go boletšwego ka bona go molawana wa 7 ba tla leboga mošomo ge -
dithoto tša gagwe di tšerwe goba ge a loba go bao a ba kolotago;
e le gore okiwa bjalo ka motho yo a fokolago hlaloganyong go ya ka molao;
e le gore ga a be gona dikopanong tše tharo tša go latelana tša Lekgotla la Netefatšo ya Boleng bja Thuto le Tlhahlo ntle le tumelelo go tšwa go Lekgotla la Netefatšo ya Boleng bja Thuto le Tlhahlo;
o tlogela mošomo ka go fa tsebišo ka go ngwala go Lekgotla la Netefatšo ya Boleng bja Thuto le Tlhahlo;
nakong ya gagwe mošomong, o ile a hwetšwa molato mme a ahlolelwa kgolego ntle le tefišo; goba ka kgopolo ya Lekgotla la Netefatšo ya Boleng bja Thuto le Tlhahlo o palelwa ke go diragatša mešomo ya gagwe ka boikarabelo.
Mešomo ya Lekgotla la Netefatšo ya Boleng bja Thuto le Tlhahlo
Lekgotla la Netefatšo ya Boleng bja Thuto le Tlhahlo le tla -
fa tumelelo go baabi ba maemo a itšeng goba mangwalo a thuto a itšeng bao ba ngwadišitšwego go Legora la Mangwalo a Thuto la Bosetšhaba;
odiša boleng magareng ga baabi ba lefelo la kgetho;
hlapetša boabi bja baabi;
go lekola tshenko le tshepetšo ya taolo magareng ga baabi ba lefelo la kgetho ngwadiša balekodi bao ba kgethilwego go lekola maemo ao a šupilwego ao a ngwadišitšwego goba mangwalo a thuto go ya ka dinyakwa tšeo di beetšwego seo;
rwala maikarabelo a go fana ka mangwalo a thuto a lefelo la khetho la barutwana;
šomišana mmogo le makgotla a maleba goba makgotla ao a kgethilwego go lekola Makgotla a Netefatšo ya Boleng bja Thuto le Tlhahlo, go akaretšwa, fela go sa thibelwa go lekola netefatšo ya boleng bja maemong ao a šupilwego goba mangwalo a thuto ao Lekgotla la Netefatšo ya Boleng bja Thuto le Tlhahlo le dumeletšwego go wona, le tee goba a mabedi.
dira ditšhušumetšo go Makgotla a Bosetšhaba a Maemo gore maemo a maswa goba mangwalo a thuto a dumelelwe, goba diphetogo go maemo ao a lego gona goba mangwalo a thuto go Makgotla a Bosetšhaba a Maemo gore a dumelelwe;
go šomiša tshedimošo-palo (data-base) yeo e dumelelegago go Bolaodi;
Hlagiša dipego go Bolaodi go ya ka dinyakwa tša Boalodi, le go diragatša mešomo yeo nako le nako le tlago e fiwa ke Bolaodi
Ge le diragatša mešomo ya lona Lekgotla la Netefatšo ya Boleng bja Thuto le Tlhahlo -
le tla sepela ka melawana ya 2 go fihla go 12 ya Melawana ya Makgotla a Bosetšhaba a Maemo (R452 wa 28 Matšhe 1998, Kuranta ya mmušo Nomoro 18787);
le ka fa mešomo yeo e kgethilwego yeo e bolelwago go molawana wa go baabi ba lefelo la kgetho goba lekgotla le lengwe ka tumelelo ya Bolaodi, fela ba ka se fetetše maikarabelo a bona go Bolaodi; le ge e le gore go netefaditšwe ka tlase ga Molao wo mongwe wa Palamente go buša lenaneo le tee leo le laolwago la baabi ba mangwalo ao a fapanago a thuto, le tla fa mošomo wa go ngwadiša balekodi, bao go boletšwego ka bona go molawana wa go baabi ba lona ge e le gore lenaneo la bona la bolaodi bja boleng le akaretša go lekola mošomo wo mme Boalodi bja Mangwalo a Thuto bja Afrika Borwa bo a tsebišwa.
TEMANA YA 3
MELAO YA TSHEPETŠO LE TEFELO YA MEDIRO YA LEKGOTLA LA NETEFATŠO YA BOLENG BJA THUTO LE TLHAHLO
Tefelo ya mediro ya Lekgotla la Netefatšo ya Boleng bja Thuto le Tlhahlo
Lekgotla la Netefatšo ya Boleng bja Thuto le Tlhahlo leo le nyakago go dira kwano le Bolaodi ka ga ditatofatšo tšeo di swanetšego go bewa goba go phumulwa ka tlase ga matla ao a filwego Lekgotla la Netefatšo ya Boleng bja Thuto le Tlhahlo ke Bolaodi, le tla hlagiša lengwalo la peakanyo ya kgwebo leo le bontšhago maikemišetšo a diphihlelelo mo nakong ya tshenko leswa yeo e bago mengwaga ye meraro, yeo e tla akaretšago tekatekanyetšo ya ditšhelete.
Lengwalo la peakanyo ya kgwebo leo go boletšwego ka lona go molawana wa 1 le tla bontšha ditatofatšo tšeo di akanywago go bewa goba go phumulwa le ditlamorago tša dikakanyo tšeo go maikemišetšo a diphihlelelo tša Legora la Mangwalo a Thuto la Bosetšhaba go lebišitšwe kudu go phihlelelo ya, le tshepetšo le tšwelopele ka gare ga thuto, tlhahlo le tsela ya thutelamošomo.
Melao wa tshepetšo
Lekgotla le lengwe le le lengwe la Netefatšo ya Boleng bja Thuto le Tlhahlo le tla, ge le šoma, bušwa ke melao ya lona ya tshepetšo yeo e tla latelago melaotšhupetšo yeo e lego ka gare ga Kgokeletšo mabapi le Melawana ye.
BAABI BA THUTO LE TLAHHLO
Go fiwa tumelelo ya baabi
Lekgotla la Netefatšo ya Boleng bja Thuto le Tlhahlo le ka re ka kgopelo, la dumelela bjalo ka moabi, lekgotla leo le fihlelelago dinyakwa tšeo go boletšwego ka tšona go molawana wa 13.
Dinyakwa tša tumelelo ya baabi
Lekgotla le ka dumelelwa bjalo ka moabi ke Lekgotla la Netefatšo ya Boleng bja Thuto le Tlhahlo leo selebišasegolo sa lona se sepelelanago le sa moabi: Ge e le gore lekgotla leo le nyakago tumelelo -
le ngwadišitšwe bjalo ka moabi go ya ka molao wo o dirišwago nakong ya kgopelo ya tumelelo;
le na le lenaneo la taolo ya boleng leo le akaretšago, fela le sa beelwa legora go -
melaotshepetšo ya taolo ya boleng yeo e hlalošago seo moabi a nyakago go se fihlelela;
ditshepetšo tša taolo ya boleng tšeo di kgontšhago moabi go diragatša melaotshepetšo yeo e hlalošitšwego ya taolo ya boleng; goba senka leswa mekgwa yeo e netefatšago gore melaotshepetšo le mekgwa ya taolo ya boleng di a diragatšwa e bile di dula di etšwa mohola;
le kgona go tšweletša, go tliša thušo le go tlhahloba diporokerama tša thuto tšeo mafelelong e lego tša maemo a itšego ao a ngwadišitšwego goba mangwalo a thuto;
le na le -
methopo yeo e nyakegago ya matlotlo, bolaodi le dithoto;
melaotshepetšo le mekgwa ya go kgetha bašomi, kgodišo le tšwetšopele;
melaotshepetšo le mekgwa ya go dumelela baithuti, tlhahlo le mananeo a thekgo;
melaotshepetšo le mekgwa ya go laola go dikgao tša go ithuta ka tiragatšo lefelong la mošomo go ba ntle le mošomo;
melaotshepetšo le mekgwa ya go laola tekolo;
ditsela tšeo di nyakegago tša go fana ka pego; le bokgoni bja go fihlelela dipuno tšeo di nyakegago, go šomišwa methopo yeo e lego gona le tshepetšo yeo e dumelelwago ke Lekgotla la Netefatšo ya Boleng bja Thuto le Tlhahlo go tšweletša go tšweletša, go tliša thušo le go tlhahloba diporokerama tša thuto tšeo mafelelong e lego tša maemo a itšego ao a ngwadišitšwego goba mangwalo a thuto tšeo di bolelwago go temana ya c; le ga le ešo la fiwa tumelelo ke, goba a kgopela tumelelo go Lekgotla le lengwe la Netefatšo ya Boleng bja Thuto le Tlhahlo leo le boletšwego go molawana wa 2.
Lengwalo la bohlatse la tumelelo bjalo ka moabi
Moabi yo mongwe le yo mongwe yo a ngwadišitšwego o tla, ge a dumeletšwe, fiwa lengwalo la bohlatse la tumelelo ke ke Lekgotla la Netefatšo ya Boleng bja Thuto le Tlhahlo leo lebanego mme le tla hlatselwa ke Bolaodi mme le tla hlaloša -
gore ke moabi wa lefelo la kgetho wa ke Lekgotla la Netefatšo ya Boleng bja Thuto le Tlhahlo; le maemo goba mangwalo a thuto ao a fiwago tumelelo.
Moabi yo mongwe le yo mongwe yo a dumeletšwego o tla re, mo kgweding ya methomo ya ngwaga wa bohlano wa tumelelo le ye mehlano ya go latela, ya fana ka pego go Lekgotla la Netefatšo ya Boleng bja Thuto le Tlhahlo leo le amegago a bontšha mabaka ao ka wona a swanetšego go tšwela pele ka tumelelo, mme a bontšha le dipoelo tšeo a di fihleletšego nakong ya mengwaga ye mene yeo e fetilego.
Telefatšo ya tumelelo ya baabi
Moabi yo a dumeletšwego yo a kganyogago telefašo ya tumelelo go akaretša maemo goba mangwalo a thuto, tšeo di sa tšewago ke Lekgotla la Netefatšo ya Boleng bja Thuto le Tlhahlo leo le mo filego tumelelo go ba ka gare ga malebiša a magolo a gagwe, le tla dira kgopelo mabapi le seo go Lekgotla la Netefatšo ya Boleng bja Thuto le Tlhahlo leo le mo filego tumelelo, le bontšha bokgoni bja lona go ka fihlelela dinyakwa tša telefatšo ya tumelelo yeo.
Lekgotla la Netefatšo ya Boleng bja Thuto le Tlhahlo leo moabi yoo a hweditšego tumelelo go lona, le tla, ga mmogo le Bolaodi, beakanya telefatšo ya tumelelo ye bjalo, bjalo ka ge e kgopetšwe ka tsela ya Lekgotla la Netefatšo ya Boleng bja Thuto le Tlhahlo ya malebiša a magolo go maemo goba mangwalo a thuto ao kgopelo e dirilwego mabapi le wona: Ge e le gore-
dinyakwa tša tumelelo yeo, yeo e boletšwego go molawana wa 13 di a fihlelelwa;
balekodi bao ba ingwadišitšego le Lekgotla la Netefatšo ya Boleng bja Thuto le Tlhahlo leo moabi a filwego tumelelo ke lona ba lekola maemo goba mangwalo a thuto ao a ngwadišitšwego ao kgopelo ya telefatšo e lego mabapi le wona; goba balekodi bao ba ingwadišitšego le Lekgotla la Netefatšo ya Boleng bja Thuto le Tlhahlo leo malebišakgolo e lego maemo goba mangwalo a thuto ao kgopelo ya telefatšo e lego mabapi le wona, ba dira ditekolo.
Bolaodi, ka therišano le Lekgotla la Netefatšo Boleng bja Thuto le Tlhahlo ka šedi ya pele yeo e umakilwego sekamolawaneng 2 le tla netefatša gore selekanyo sa go tumelelo seo se umakilwego ka molawaneng wa bo 13 wa maemo yeo e rilego goba mangwalo a thuto di a kgotsofatšwa.
Lekgotla la Netefatšo Boleng bjaThuto le Tlhahlo leo go lona moabi a dirago kgopelo ya katološo ya tumelelo le tla no dula e le Lekgotla la Netefatšo Boleng bja Thuto le Tlhahlo wa šedi ya pele go moabi woo morago ga go fiwa katološo ya tumelelo.
Ge katološo e filwe, setifikeiti sa tumelelo se tla saenwa bjalo ka ge go umakilwe ka molawaneng wa bo 141b.
Tumelelo ya baabi ya nakwana
Ge Lekgotla la Netefatšo Boleng bja Thuto le Tlhahlo leo go lona kgopelo ya tumelelo e dirwago, le bona gore moabi yoo a ngwadišitšwego goba moabi yoo a nyakago ngwadišo go ya ka mabaka ga a kgotsofatše dilekanyo kamoka tša tumelelo, gona Lekgotla la Netefatšo Boleng bja Thuto le Tlhahlo le ka no fa moabi yo bjalo tumelelo ya nakwana lebaka la nako leo go kwanwego ka lona, leo le sa fetego mengwaga ye mebedi, leo ka lona a tla tsenelago lenaneo la tšwetšopele leo le dumelwago ke Lekgotla la Netefatšo Boleng bja Thuto le Tlhahlo leo le diretšwego go kgontšha dilekanyo tša tumelelo tšeo di nyakegago: Ge e le gore, ka pono ya Lekgotla la Netefatšo Boleng bja Thuto le Tlhahlo dikgahlego tša moithuti di šireleditswe ka nako ya go tsenywa ga lenaneo la tšwetšopele.
Moabi yo mongwe le yo mongwe, ge a fiwa tumelelo ya nakwana, o tla fiwa setifikeiti sa tumelelo ya nakwana ke Lekgotla la Netefatšo Boleng bja Thuto le Tlhahlo, gomme setifikeiti seo se tla saenwa ke Bolaodi, gomme se tla bolela –
Gore ke karolo ya baabi bao ba dumeletšwego ke Lekgotla la Maswanedi la Netefatšo Boleng bja Thuto le Tlhahlo;
Maemo goba mangwalo a thuto ao a fiwago tumelelo ya nakwana; le matšatši ao ka wona tumelelo ya nakwana e tla thomago le go fela.
Phedišo ya tumelelo ya baabi
Tumelelo ya moabi e ka no fedišwa, ge e le gore, ka pono ya Lekgotla la Netefatšo Boleng bja Thuto le Tlhahlo leo a ingwadišitšego le lona, yeo e saenilwego ke Bolaodi, ga a kgone go phetha mediro ya gagwe ka go kgotsofatša.
Moabi a ka no kgopela gore tumelelo ya gagwe ya maemo le mangwalo a thuto ao a rilego di fedišwe.
KGAOLO YA BO 5
MEKGATLO YA GO LEKOLA
Go bewa ga mekgatlo ya go lekola
Ge Bolaodi bo ka bona go hlokega, bo tla kgetha mokgatlo wa go lekola: ge fela e le gore o-
kgotsofatša dinyakwa tša tlaleletšo tša Lekgotla leo le Hlamago Maemo la maswanedi leo le šišinyeditšwego Lekgotla la lona la Maemo a Bosetšhaba go ya ka molawana 24 wa Melawana ya Lekgotla la Maemo la Bosetšhaba, 1998 (R. 452 wa di 28 tša Matšhe 1998, Kuranta ya Mmušo ya No. ya bo 18787), gape o dumeletšwe ke Bolaodi;
ka no dira modiro wa go lekola ka tsela yeo e netefatšago gore tekanyetšo ya bofelo yeo e hlalošitšwego maemo le mangwalo thuto a tokafetše, ke ya kgonthe ebile e a tshepega, le na le kemedi ya bokgathatema tekanyetšong ya go dira diphetho, yeo e bontšhago dikgahlego tša bao ba holegago le bao ba nago le kgahlego ya thwii ditiragalong tša mokgatlo wa tekolo.
Mangwalo a go bewa bjalo ka mekgatlo ya tekolo
Bolaodi bo ka no kgetha mokgatlo wa tekolo goba mekgatlo ya tekolo lebaka la nako le ka maemo le mangwalo a dithuto tšeo e di tšeago gore di a hlokega go netefatša go dirwa ga mediro ya tekolo.
Bolaodi bo tla fa mokgatlo wo mongwe le wo mongwe woo o beilwego go dira bjalo lengwalo la go kgethwa leo le hlalošago tšatši le sebaka sa go bewa le maemo goba mangwalo a thuto tšeo di nyakegago go lekola.
Mediro ya mekgatlo ya go lekola
Mekgatlo ya go lekola e tla –
ge e le gore diphetho tša tekanyetšo mabapi le maemo le mangwalo a thuto tšeo di rilego tšeo di dirilwego ke o tee goba ye mentši ya Mekgatlo ya Netefatšo ya Boleng ya Thuto le Tlhahlo di tokafetše, ke tša nnete ebile di a tshepega go ya ka dipoelo tšeo di hlalošitšwego ka maemong le mangwalong a thuto ao, dira ditshišinyo go Bolaodi mabapi le –
dikaonafatšo tšeo di nyakegago go šomeng ga Lekgotla la Netefatšo Boleng bja Thuto le Tlhahlo;
tumelelo ya Lekgotla la Netefatšo Boleng bja Thuto le Tlhahlo;
diphetolo tša maemo le mangwalo a thuto tšeo di yo tšeelwago hlogong ke Makgotla a Maemo a Bosetšhaba;
dintlha tšeo dingwe tšeo di ka no bolelwago ke Bolaodi nako le nako, le go dira mešomo ye mengwe ya tekolo yeo e ka no phethwago ke Bolaodi nako le nako.
Phedišo ya go bewa ga mekgatlo ya tekolo
Go bewa ga mekgatlo ya tekolo go tla fela ka nako le tšatši tšeo di beilwego ka lengwalong la mošomo, ge fela e le gore go bontšhitšwe ka mokgwa wo mongwe ka go ngwalwa fase ke Mokgatlo.
Go bewa ga Mokgatlo wa go lekola go ka no fedišwa ge e le gore, ka pono ya Lekgotla la go Hlama Memo la Bosetšhaba, go saenile Bolaodi, o palelwa ke go phethagatša mešomo ya wona go kgotsofatša.
KGAOLO YA BO 6
MEKGATLO YA PROFEŠENALE LE YA GO TLHAHLOBA
Go tsenywa ga mekgatlo ya profešenale le mekgatlo ya go tlhahloba ge go bewa maemo, netefatšo ya boleng le tekolo
Mekgatlo ya profešenale le mekgatlo ya go tlhahloba e ka no dira kgopelo ya-
temogo goba boleloko bja Lekgotla la go Hlama Maemo bjalo ke ge go umakilwe ka molawaneng wa bo 20 goba wa bo 22 wa Melawana ya Mekgatlo ya Maemo ya Bosetšhaba,1998 (R.452 wa di 28 tša Matšhe 1998, kuranta ya Mmušo ya No. ya bo 18787);
go dumelelwa bjalo ka Lekgotla la Netefatšo Boleng bja Thuto le Tlhahlo bjalo ka ge go umakilwe ka molawaneng wa bo 2; le go bewa bjalo ka mokgatlo wa go lekola bjalo ka ge go umakilwe ka molawaneng wa bo 18.
KGAOLO YA BO 7
DITAELO TŠA DINGWE
Tshepetšo ya boipiletšo
Mokgatlo woo o nyakago go dira boipiletšo kgahlanong le sephetho sa mokgatlo woo o umakilwego ka melawaneng ya bo 2 le 12 o tla fa Bolaodi tsenyo yeo e ngwadilwego fase ka taba yeo mmogo le mabaka a go dira boipiletšo lebakeng la dikgwedi tše tharo tša alemanaka.
Ge Bolaodi bo ka swara boipiletšo kgahlanong le sephetho sa mokgatlo woo o umakilwego ka melawaneng ya bo 2 le 12, mokgatlo woo o tla –
fetola sephetho rekhota phetolo ye bjalo ka ditokumeteng kamoka tša maswanedi moo sephetho sa pele se rekhotilwego dira dipheto tšeo di hlokegago ka ditokumenteng kamoka tša maswanedi; le go ntšha dingwalwa tšeo di boeleditšwego tša ditokumente kamoka tša maswanedi.
Thaetlele ye kopana
Melawana ye e tla bitšwa Melawana ya Mekgatlo ya Netefatšo ya Boleng bja Thuto le Tlhahlo, 1998
KGOMAGANYO
METHALOHLALI YA MELAO YA TSHEPEDIŠO YA THUTO LE TLHAHLO LE MAKGOTLA A NETEFATŠO YA BOLENG BJA THUTO LE TLHAHLO
DIHLALOŠO
Ka methalohlahling ye, ntle le ge go boletšwe ka mokgwa wo mongwe;
Modulasetulo" o šupa Modulasetulo wa Lekgotla la Netefatšo ya Boleng bja Thuto le Tlhahlo;
Komiti" e šupa komiti ye nngwe le ye ngwe ya Lekgotla la Netefatšo Boleng bja Thuto le Tlhahlo;
Komiti Phethiši" e hlaloša komiti yeo e hlomilwego go dira mešomo ye mengwe yeo e e laetšwego legatong la Lekgotla la Netefatšo ya Boleng bja Thuto le Tlhahlo;
leloko"le šupa leloko la Lekgotla la Netefatšo Boleng bja Thuto le Tlhahlo;
Tharollo" e šupa sephetho sa Lekgotla la Netefatšo Boleng bja Thuto le Tlhahlo;
Mongwaledi" o šupa leloko la Lekgotla la Netefatšo Boleng bja Thuto le Tlhahlo leo le filwego modiro wo.
MALOKO A LEKGOTLA LA NETEFATŠO BOLENG BJA THUTO LE TLHAHLO
Lekgotla la Netefatšo Boleng bja Thuto le Tlhahlo, ka mabaka a mošomo wa boleng le netefatšo, le tla ba le Modulasetulo, Motlatša Modulasetulo, Mongwaledi le maloko a mangwe ao a beilwego ke Bolaodi, go ya ka senyakwa sa gore modulasetulo o tla kgethwa pele ke maloko a Lekgotla la Netefatšo Boleng bja Thuto le Tlhahlo, go tšwa gare ga maloko a bona goba go tšwa mothopong wo mongwe.
BAHLANKEDI BA BAPRESIDENTE
Modulasetulo wa Lekgotla la Netefatšo Boleng bja Thuto le Tlhahlo o tla ba mopresidente dikopanong tša Lekgotla la Netefatšo Boleng bja Thuto le Tlhahlo. Ge Modulasetulo a se gona kopanong efe goba efe, Motlatša Modulasetulo e tla ba yena presidente. Ge bobedi ba bona ba sego, maloko ao a lego gona a ka no kgetha gare ga bona modulasetulo wa kopano yeo.
DIKOPANO TŠA MOKGATLO WA NETEFATŠO YA BOLENG BJA THUTO LE TLHAHLO
Lekgotla la Netefatšo Boleng bja Thuto le Tlhahlo le tla kopano mafelong le ka dinako tšeo di tla phethwago ka go tšewa Sephetho nako le nako.
Dikopano tšeo di kgethegilego di ka no bitšwa go ya ka pono ya Modulasetulo, goba ka kgopelo yeo e thekgilwego ya maloko ao a sego ka fase ga tee tharong, gomme kopano yeo e tla swarelwa lefelong le ka nako yeo e phethwago ke Mongwaledi, ka pela ka moo go kgonegago morago ga go humana kgopelo ye bjalo.
Modulasetulo, morago ga go reriša Komiti Phethiši o tla ba le tokelo ya go bušetša morago kopano efe goba efe ya Lekgotla la Netefatšo Boleng bja Thuto le Tlhahlo ge kgwebo yeo e lego lenaneong e bonala e sa hloke gore go bitšwe kopano ye bjalo, ka kgopelo ya gore maloko a eletšwe ka pušetso morago ye bjalo bonyane beke ye tee pele tšatši leo Lekgotla la Netefatšo Boleng bja Thuto le Tlhahlo le yo kopanago ka lona, le kgopelo ye nngwe ya gore dikopano di seke tša fedišwa goba tša bušetšwa morago ka baka la mabaka ao a arabelwago goba dilo tšeo di sego taolong ya Lekgotla la Netefatšo Boleng bja Thuto le Tlhahlo ntle le ge peditharong ya maloko e dumetše se.
Motho yo mongwe le yo mongwe yoo go nyakegago gore a be gona ka mabaka a kgwebo a ka no mengwa ke Lekgotla la Netefatšo Boleng bja Thuto le Tlhahlo go tsenela kopano efe goba efe ya Lekgotla la Netefatšo Boleng bja Thuto le Tlhahlo.
Ditokumente kamoka tšeo di rometšwego malokong di tla swaiwa ka tsela yeo e swanelanago le tlhago le maemo a dikagare, ka kwešišo ya gore go bohlokwa go maloko go netefatša gore ditokumente tše bjalo di ahlaahlwa go ya ka moo di swailwego.
TSEBIŠO YA DIKOPANO
Tsebišo ya kopano efe goba efe ya Lekgotla la Netefatšo Boleng bja Thuto le Tlhahlo yeo e tla tsenyago ka gare lenaneo la dintlha tšeo di yo tšeelwago hlogong, e tla romelwa ke Mongwaledi go leloko le lengwe le le lengwe le batho ba bangwe bao ba nyakegago gore ba tsenele kopano bonyane matšatši a 14 pele ga tšatši leo le beilwego la kopano atereseng yeo e ngwadišitšwego go Mongwaledi: Ge fela e le gore lebakeng la dikopano tšeo di kgethegilego tsebišo ye bjalo ye kopana bjalo ka ge go phethile Modulasetulo, empa e sego ka fase ga matšatši a mararo, e ka fiwa.
Go se humane tsebišo efe goba efe, yeo e romelwago atereseng yeo e ngwadišitšwego ya leloko lefe goba lefe, e ka se ame goba ya dira gore ditshepedišo tša kopano efe goba efe di se be bohlokwa.
REJISTARA YA GO TSENELA KOPANO
Leloko le lengwe le le lengwe leo le lego gona kopanong ya Lekgotla la Netefatšo Boleng bja Thuto le Tlhahlo le tla saena registara ya go ba gona yeo e tlka bago gona ka lebaka leo.
KHORAMO
Halofo ye nngwe ya maloko, go sa tsenywe Modulasetulo, e tla bopa khoramo dikopanong kamoka tšeo di tlwaelegilego tša Lekgotla la Netefatšo Boleng bja Thuto le Tlhahlo. Dikopanong tšeo di kgethegilego tee tharong ya maloko a Lekgotla la Netefatšo Boleng bja Thuto le Tlhahlo, go sa balwe Modulasetulo e tla bopa khoramo.
ge palo ya maloko ao a lego gona ka nako le lefelo leo le beetšwego kopano e sa lekana go bopa khoramo, kopano e tla tšwelapele, ge fela e le gore diphetho dife goba dife tšeo di tšewago di tla tšewa gore ke diphetho kakanywa gomme di tla fiwa Mokgatlo wa Netefatšo ya Boleng ya Thuto le Tlhahlo gore di rerwe go ya pele pele ga ge di ka tlhomamišwa.
DITAODIŠO TŠA BA PHATLALATŠO YA DITABA
Moo go bonwago go hlokega go ntšha taodišo ya ba phatlalatšo ya ditaba mabapi le dintlha tšeo di amanago le ditiragalo le dikopano tša Mokgatlo wa Netefatšo ya Boleng ya Thuto le Tlhahlo, di tla ntšhwa ke Modulasetulo wa Mokgatlo wa Netefatšo ya Boleng ya Thuto le Tlhahlo ka kwano ya Modulasetulo wa Bolaodi.
METSOTSO
Metsotso ya kopano ye nngwe le ye nngwe e tla kgoboketšwa le go išwa gore e tiišetswe kopanong yeo e latelago. Mongwaledi o tla phatlalatša metsotso go maloko ka nako ye tee le tsebišo ya go swara kopano yeo e latelago.
Metsotso e ka se bontšhe ditshepedišo tša kopano ka moo di boletšwego ka gona, empa e tla ba kakaretšo ya tšona, Diphetho le ditiragalo tšeo di nyakegago, ka kgontšho ya gore leloko le lengwe le le lengwe le tla ba le tokelo ya go kgopela gore pono ya lona e bontšhwe ka metsotsong.
DINGANGIŠANIO TŠA MOKGATLO WA NETEFATŠO YA BOLENG YA THUTO LE TLHAHLO LE GO BOUTA
Ka tshepedišong ya kopano ye nngwe le ye nngwe ya Lekgotla la Netefatšo Boleng bja Thuto le Tlhahlo melao yeo e tlwaelegilego ya ngangišano e tla šomišwa.
Go tšea diphetho go tla ba ka kwano ge fela e le gore moo go se nago kwano go tla boutwa. Moo go bouta go bonwago go hlokega go tla ba ka go emiša matsogo ka ntle le ge leloko lefe goba lefe le kgopela baloto (go bouta ka go swaya), moo go tla swarwago baloto ya sephiring.
Ge Modulasetulo e le yena MoPresidente a ka se be le boutu ya boikgethelo empa e tla ba ya go ruma.
Ge Modulasetulo a se go, mothušamodulasetulo (le ge e ka ba Motlatšamodulasetulo go wo mongwe) a ka se be le boutu ya go ruma, empa ya maikemišetšo.
Go bohlokwa go leloko la Lekgotla la Netefatšo Boleng bja Thuto le Tlhahlo go bega kgahlego ye nngwe le ye nngwe yeo e amanago le ditšhelete ka tsela yeo Lekgotla la Netefatšo Boleng bja Thuto le Tlhahlo le ngangišanego ka yona, le go kgopela gore a se be goba ngangišanong yeo: Ge fela leloko le bjalo le tla lokollwa ge sephetho ka taba ye bjalo se dirwa ke Lekgotla la Netefatšo Boleng bja Thuto le Tlhahlo.
Poloko bjalo ka ge go kgontšhitšwe ka melawaneng ye sephetho sa maloko a mantši ao a lego gona kopanong ya Lekgotla la Netefatšo Boleng bja Thuto le Tlhahlo e tla ba sephetho sa Lekgotla la Netefatšo Boleng bja Thuto le Tlhahlo. Dipono tša ba mmalwa di ka no rekhotwa ka kgopelo ya maloko a bjalo.
Go se na taba le ditaetšo tša melawana ye, ge taba ye nngwe le ye nngwe e eba gona gare ga dikopano tšeo di tlwaelegilego yeo e nyakago sephetho sa Lekgotla la Netefatšo Boleng bja Thuto le Tlhahlo le yeo ka go ya ka pono ya Modulasetulo e ka se senyetšwego nako go fihla kopano ye nngwe yeo e tlwaelegilego ya Lekgotla la Netefatšo Boleng bja Thuto le Tlhahlo, Modulasetulo a ka dumelela Mongwaledi go lokiša le go romela ka poso yeo e ngwadišitšwego goba khoria, go leloko le lengwe le le lengwe tsebišo yeo e bontšhago taba yeo go bolelwago ka yona le go nyaka boutu ya poso yeo ka yona sephetho se tla dirwago. Tsebišo e tla bolela gabotsebotse sebaka seo ka sona boutu ya poso e ka tsenywago, seo e ka se bego ka fase ga matšatši a 10 go tloga ka letšatši la go romelwa ga tsebišo. Sephetho sa bontši bja Lekgotla la Netefatšo Boleng bja Thuto le Tlhahlo se tla tšewa e le sephetho sa Lekgotla la Netefatšo Boleng bja Thuto le Tlhahlo. Poelo ya baloto ye nngwe le ye ngwe e tla tsebišwa kopanong yeo e latelago ya Lekgotla la Netefatšo Boleng bja Thuto le Tlhahlo.
GO HLONGWA GA KOMITI PHETHIŠI
Komiti phethiši e tla bopšwa ka botlalo ke maloko gomme e tla kgethwa ke wona. E tla ba le Modulasetulo le palo ye nnngwe ya maloko yeo e phethilego le go kgethwa ke Lekgotla la Netefatšo Boleng bja Thuto le Tlhahlo: Ge fela e le gore –
Komiti Phethiši ye bjalo, go ya ka ditaelo tša Lekgotla la Netefatšo Boleng bja Thuto le Tlhahlo, e tla sepetša ditaba tša Lekgotla la Netefatšo Boleng bja Thuto le Tlhahlo gare ga dikopano: Ge fela e le gore diphetho kamoka tseo di amanago le ditaba tša molaotshepetšo e tla ba tokelo ya Lekgotla la Netefatšo Boleng bja Thuto le Tlhahlo;
Modulasetulo, goba ge Modulasetulo a se go, Motlatšamodulasetulo yoo a kgethilwego ke maloko e tla ba Mopresidente dikopanong kamoka tša Lekgotla Phethiši;
Modulasetulo o tla bega ka mošomo wa Komiti Phethiši kopanong ye nngwe le ye nngwe yeo e tlwaelegilego ya Lekgotla la Netefatšo Boleng bja Thuto le Tlhahlo; le
Khoramo ya Komiti Phethiši e tla ba le Modulasetulo le halofo ye tee ya maloko a komiti yeo.
KAROLO YA MONGWALEDI
Mošomo wa bongwaledi woo o lego bohlokwa papalong ya mešomo ya Mokgatlo wa Lekgotla la Netefatšo Boleng bja Thuto le Tlhahlo, e tla dirwa go ya ka ditaelo tša modulasetulo wa Lekgotla la Netefatšo Boleng bja Thuto le Tlhahlo, ke Mongwaledi.
Karolo ya Mongwaledi ke go thuša Lekgotla la Netefatšo Boleng bja Thuto le Tlhahlo ka –
go dira modiro wa bongwaledi;
go eletša ka ditaba tša taolo;
tirelo ya taolo yeo e kgontšhago;
thušo ka go laola diprotšeke; le go dira mediro ye mengwe yeo Lekgotla la Netefatšo Boleng bja Thuto le Tlhahlo le ka e nyakago nako le nako.
Melao ye e ka no oketšwa goba ya fetolwa kopanong efe goba efe ya Lekgotla la Netefatšo Boleng bja Thuto le Tlhahlo ka tumelo ya Bolaodi, fela ka bontši bja maloko ao a lego gona, ge fela ditokišo tše bjalo di bopa ntlha yeo e rilego lenaneong, sengwalwa sa gona se sepeditšwe gare ga maloko le ge fela e sego ka fase ga halofo ya maloko a lona a le gona kopanong.
TEKOLOLESWA YA DIPHETHO TŠA LEKGOTLA LA NETEFATŠO YA BOLENG BJA THUTO LE TLHAHLO
Sephetho se sengwe le se sengwe seo se tšerwego kopanong ya Lekgotla la Netefatšo Boleng bja Thuto le Tlhahlo se tla abelwa nomoro yeo e swango e le tee ya Lekgotla la Netefatšo Boleng bja Thuto le Tlhahlo gomme se bonwa e le sephetho Mokgatlo wa Netefatšo ya Boleng ya Thuto le Tlhahlo. Leloko leo le nyakago gore sephetho se lekolwe leswa le nyakega gore le tliše tsebišo yeo e ngwadilwego fase ya senyakwa se bjalo ka mabaka ao a tletšego a tekololeswa yeo e rategago go Mongwaledi bonyane matšatši a 14 pele ga kopano ya Lekgotla la Netefatšo Boleng bja Thuto le Tlhahlo. Ge Lekgotla la Netefatšo Boleng bja Thuto le Tlhahlo le ka fetola sephetho, phetolo ye bjalo e tla ngwalwa ka metsotsong ya kopano, diphetogo tšeo di hlokegago tša ditokumente di tla dirwa gomme dingwalwa tšeo di boeleditšwego di tla ntšhwa.
